Vjedhja e organeve të trupit të palestinezëve nga ushtarët sionistë
Një grup i të drejtave të njeriut akuzoi ushtrinë izraelite për vjedhjen e organeve të trupit të palestinezëve në Gaza.
Vëzhguesit e të drejtave të njeriut "EuroMed" njoftuan se ushtria izraelite mori një numër të madh trupash në "Spitalin Al-Shifa" dhe "Spitalin Indonezian" në veri të Gazës dhe nuk ua dorëzoi familjeve të tyre.
Munir al-Borush, drejtor i përgjithshëm i Ministrisë palestineze të Shëndetësisë në Gaza, duke konfirmuar pretendimin për vjedhjen e trupave të dëshmorëve, tha: "Duke sulmuar Spitalin Al-Shifa, pushtuesit sionistë rrëmbyen trupat e spitalit dhe të morgut, duke përfshirë trupat e 130 martirëve dhe i transferuan në vende të panjohura".
Kjo nuk është hera e parë që Izraeli akuzohet për vjedhje organesh. Në vitin 2009, gazeta suedeze "Afton Bladet" pohoi në një artikull se ushtria izraelite rrëmbeu dhe vrau të rinj palestinezë dhe atyre u vodhi organet e trupit. Izraeli i përshkruan këto akuza si antisemite.
Sipas Konventës së Gjenevës, gjymtimi është i ndaluar. "Euromed Monitor" akuzoi regjimin izraelit për vjedhjen dhe mbajtjen e trupave të palestinezëve që ranë dëshmorë që nga 7 tetori. Ky institucion i ka kërkuar regjimit izraelit që të respektojë ligjet ndërkombëtare, por ky regjim është ende indiferent ndaj këtyre ligjeve.
