Tel Avivi e pranon: Ushtarët tanë janë të lodhur dhe të rraskapitur
Zëdhënësi i ushtrisë sioniste tha se Hamasi përdor truke të posaçme për të ngatërruar dhe për t’u zënë pritë ushtarëve të këtij regjimi.
Sipas agjencisë së lajmeve Fars, zëdhënësi i ushtrisë së regjimit sionist pranoi mëngjesin e së dielës se ushtarët e këtij regjimi po vuajnë nga lodhja ekstreme e luftës në Gaza dhe disa prej tyre janë në fushëbetejë prej një muaji e gjysmë.
Zëdhënësi i ushtrisë sioniste tha në një intervistë për CNN se vrasja e 3 pengjeve sioniste ka ndodhur për shkak të shkeljes së rregullave të angazhimit nga ushtarët e këtij regjimi.
Ky zyrtar sionist shtoi gjithashtu se Hamasi po përdor marifete të veçanta për t’i ngatërruar dhe për t’u zënë pritë ushtarëve të këtij regjimi.
Ai shpjegoi: “Hamasi po përpiqet të përdorë altoparlantë që lëshojnë një tingull të regjistruar në hebraisht për t’u bërë pritë ushtarëve tanë.”
Mbrëmjen e së shtunës, mediat e regjimit sionist, duke cituar ushtrinë e këtij regjimi, raportuan se 33 ushtarë të tjerë të këtij regjimi kanë mbetur të plagosur në betejën tokësore në Gaza.
