ISIS-i merr përgjegjësinë për sulmet terroriste në Kerman
ISIS-i ka marrë përgjegjësinë për dy shpërthimet që vranë të paktën 84 persona dhe plagosën dhjetëra të tjerë në një memorial për komandantin e lartë antiterror, gjeneral Kasem Sulejmani në qytetin juglindor iranian, Kerman.
Në një deklaratë të postuar në kanalet e tij në platformën Telegram, grupi terrorist tha se “dy anëtarë kishin shpërthyer rripat e tyre shpërthyes në turmën që ishte mbledhur në një varrezë për përvjetorin e vrasjes së gjeneralit Sulejmani nga SHBA-ja.
Më herët, një burim i paidentifikuar i tha agjencisë zyrtare të lajmeve IRNA se shpërthimi i parë në varrezat në Kerman, vendlindja e gjeneralit Sulejmanit, “ishte rezultat i një aksioni të një sulmi kamikaz”.
“Vetëvrasësi, në incidentin e parë, ishte një burrë i cili u copëtua plotësisht si rezultat i shpërthimit dhe identifikimi i kamikazit është nën hetim”, thuhet në njoftim.
“Shkaku i shpërthimit të dytë ka shumë të ngjarë të jetë i njëjtë”, tha burimi për agjencinë IRNA.
“Vendi i shpërthimeve, tha burimi, ishte përkatësisht 1.5 km dhe 2.7 km nga vendi i varrimit të Gjeneralit Sulejmani, ku nuk ishte e mundur të kalohej nga portat e inspektimit në zonë.”
Në një deklaratë, Këshilli i Sigurimit i Kombeve të Bashkuara dënoi ‘sulmin frikacak terrorist’ të së mërkurës në Kerman dhe dërgoi ngushëllimet e tij për familjet e viktimave dhe për qeverinë iraniane.
Të enjten Irani mbajti një ditë zie për të vrarët në shpërthimet terroriste. Njerëzit u mblodhën në dhjetëra qytete në të gjithë vendin, duke brohoritur: “Vdekje Izraelit!” dhe “Vdekje Amerikës!”.
Ndërkohë, të premten, iranianët u përgatitën për protesta masive pas lutjeve javore në mbarë vendin, kur do të mbaheshin funeralet për viktimat.
Më herët të enjten, organi më i lartë i sigurisë iraniane ngarkoi inteligjencën, sigurinë dhe organizatat e zbatimit të ligjit të vendit që të identifikonin dhe të ndëshkonin menjëherë ata që qëndronin pas bombave të së mërkurës që vranë shumë njerëz në një ceremoni për të përkujtuar figurën më të shquar antiterror në rajon.
Këshilli i Lartë i Sigurisë Kombëtare mbajti një seancë ad hoc të enjten për të dëgjuar dhe shqyrtuar raportet e organizatave, duke vendosur që “agjencitë e inteligjencës duhet të gjurmojnë shpejt gjurmët e marra nga operacioni terrorist dhe të identifikojnë dhe prezantojnë autorët mercenarë të tij”.
“Roli i mendjeve të korruptuara që gjithmonë kanë mbështetur terroristët në shënjestrimin e grave, burrave dhe fëmijëve të pafajshëm në pjesë të ndryshme të botës, duhet të identifikohet dhe të raportohet me saktësi në këtë incident,” thuhet në deklaratë.
“Institucionet përkatëse duhet të ndërmarrin veprime për të parashikuar, parandaluar dhe trajtuar me vendosmëri autorët dhe të ndëshkojnë me drejtësi autorët apo mbështetësit e këtij krimi”, përfundon deklarata.
