Shtator 13, 2021 14:51 Europe/Tirane
  • Rikthimi i vizave/ MPJ: Për të udhëtuar në Belgjikë duhet leje nga ambasada

Ministrja e Jashtme e Shqipërisë ka bërë të ditur zyrtarisht se për të udhëtuar në drejtim të Belgjikës duhet një leje e posaçme nga ambasada e këtij vendi që është në Bullgari

Njoftimi i Ministrisë së Jashtme:

Duke u bazuar në rekomandimin e BE-së, qeveria belge ka rikthyer kufizimet për udhëtimet jo esenciale nga vendet e Ballkanit Perëndimor, ku përfshihen Shqipëria, Serbia, Maqedonia e Veriut, Kosova, Mali i Zi.

Sipas rekomandimeve, shtetasit e vendeve të Ballkanit Perëndimor mund të udhëtojnë drejt Belgjikës:

- Kur janë të pajisur me certifikatën e vaksinimit. Pas mbërritjes në Belgjikë i nënshtrohen testimit ditën e parë ose të dytë dhe të shtatë. Nëse në ditën 7 përgjigja është prapë negative, shtetasi del nga karantina.

- Në rastet e udhëtimeve esenciale, duhet të kenë konfirmimin për udhëtimin nga ambasada e Belgjikës në Bullgari (nga ky vend bëhet mbulimi për vendet e Ballkanit Perëndimor). Aplikimi për PLF (Passenger Location Form), bëhet online, duke ia drejtuar kërkesën ambasadës në adresën: [email protected]

- Shtetasit mbi 12 vjeç duhet të jenë të  pajisur me test PCR të 72 orëve të fundit dhe pas mbërritjes në Belgjikë do t'i nënshtrohen karantinës./Syri