Basha i 'turret' foltores, ndërhyn garda/ Rama shijon skenat 'opozitare'
Tetor 07, 2021 07:01 Europe/Tirane
Ministrja e Shëndetësisë, Ogerta Manastirliu, ka marrë fjalën në seancë për të replikuar me kreun e PD-së Lulzim Basha për çështjen e pandemisë dhe vdekjeve.
Teksa Basha është çuar fillimisht nga vendi duke i përsëritur akuzat dhe më pas i është afruar foltores duke i kërkuar kryetares së parlamentit të zbatojë procedurën.
Në moment kanë ndërhyrë forcat e gardës, por 'tensionet' nuk vazhduan gjatë.
Basha vazhdoi të fliste nga foltorja, kurse kryeministri Edi Rama me maskë në gojë 'shijonte' pamjet e opozicionit të fortë.
Basha tha se qeveria ka mashtruar me numrin e vdekjeve nga koronavirusi. Ai u shpreh se një vit më parë kanë humbur jetën 16 mijë persona më shumë se mesatarja e viteve të kaluara./Syri
