Shpallen fituesit në zgjedhjet e Rithemelimit për disa degë të PD-së
Komisioni i Rithemelimit të PD-së mbajti zgjedhje në 18 degë të PD-së të dielën.
Procesi i votimit dhe numërimit ka përfunduar në disa prej degëve, ku u shpallën kryetarët fitues. Pas numërimit të fletëve të votimit, Kryetar i PD-së në Përmet u shpall Arson Kleanthi Lipe, me 81 % të votave. Kryetar i PD-së në Tepelenë u shpall Malo Hydai Sadikaj me 87% të votave. Në Memaliaj, kryetar i PD-së u shpall Bujar Pasho Kapllani me 87.7% të votave. Kryetare e PD-së në Cërrik u shpall Nadire Aqif Asllani me 78% të votave. Në Patos u shpall kryetar i PD-së Shezaim Ramadan Ymeraj me 69% të votave. Pas numërimit të fletëve të votimit, kryetar i PD-së në Kukës u shpall Admir Behlul Sinamati me 91% të votave. Procesi i numërimit vijon në 12 degët e tjera ku është votuar./ParsToday
