Pogradec, përplaset nga makina një grua 45-vjeçare
Shkurt 27, 2023 09:10 Europe/Tirane
Një grua 45-vjeçare u përplas nga një makinë sot në lagjen nr.4 të Pogradecit dhe u dërgua në spital. Shoferi që e aksidentoi ishte banor i qytetit. Ai u ndalua nga Policia.
“Më datë 27.2.2023, rreth orës 7:15, në lagjen nr. 4, Pogradec automjeti tip “Benz” me drejtues shtetasin N. A., 48 vjeç, banues në Pogradec, ka aksidentuar këmbësoren M. M., rreth 45 vjeçe, banuese në Pogradec, e cila ndodhet në spitalin e Pogradecit, nën kujdesin e mjekëve. Me drejtuesin e mjetit po kryen veprimet e mëtejshme procedurale. Grupi hetimor po punon për përcaktimin e shkaqeve të aksidentit.”Gazetarja e SYRI TV, Sidorela Xhomaqi, solli pamjet nga vendngjarja.
