Shi dhe dëborë në të gjithë qarkun e Korçës
Mars 16, 2023 08:20 Europe/Tirane
Në qarkun e Korçës gjatë natës ka pasur reshje shiu dhe dëbore me intensitet mesatar. Temperaturat qëndruan në vlerat minus 2 gradë deri në plus 1 gradë.
Në rrugën e Dardhës pati reshje dëbore nga kilometri pesë deri tek kilometri 4. Trashësia e dëborës arriti në 5 cm deri në 10 cm.
Në segmetin rrugor Qafa e Qarrit, aksi Korçë-Ersekë, pati reshje dëbore me trashësi 3 cm – 7 cm. Në rrugën Korçë – Voskopojë pati reshje shiu dhe dëborë të shkrirë. U punua me mjetet borëpastruese për pastrim dhe kriposje.
Në akset rrugore nacionale dhe turistike nuk ka probleme në rrugë. Moti është i vrenjtur dhe priten sërish reshje. Kontraktorët mbeten në gatishmëri për mirëmbajtjet./syri/
