Aksident tragjik në Sauk, makina e ambasadës ruse shkatërrohet nga përplasja - ka viktima
May 12, 2023 06:23 Europe/Tirane
Një aksident i rëndë ka ndodhur mbrëmjen e kësaj të enjte në autostradën e TEG-ut.
Nga pamjet duket që automjeti i aksidentuar është shkatërruar nga përplasja e fortë me bordurat anësore të rrugës.
Burime bëjnë të ditur se makina është me targa diplomatike CD dhe i përket ambasadës ruse në Tiranë.
Dyshohet se nga aksidenti ka humbur jetën një person, ndërsa një tjetër ka mbetur i plagosur. Automjeti i aksidentuar ka qenë me shpejtësi tej normave të lejuara.
Në vendin e ngjarjes, krahas policisë dhe autoambulancës, ndodhet edhe shërbimi zjarrfikës për nxjerrjen e trupave nga makina e shkatërruar. /syri/
